جرب حياة الصرقعه .. ياتصرقع .. ياتمرقع .. ياتبرقع..
* تنبيه .. ملاحظه .. لفت نظر .. كلمة راس .. الخ
1- الرجاء عدم الدخول من كان دون 18 وما فوق لاحتوائه على شلخات صغيره تؤدي الى الاختناق
2- يمنع ثقلاء الطينه او((الغثات)) من قراءة هذه الماده
3- تأكد من خلو سقف البيت من التصدعات وارتدي خوذة الامان على راسك (( ابراء للذمه)) استعداد لاي صاروخ شلخي ((كافانا الله واياكم الشر))
------------------
لكل شخص أحلام وامنيات .. بعضها تتحقق وبعضها من المستحيلات وهي بنسبة 98%
والناس في هذه المسأله ينقسمون الى قسمين:
1- يسعى ويحاول تحقيق بعضها مع انه يعرف انها من سابع المستحيلات بس عاد وشنقول غير ((الله لايبلانا .. متعود على الغربله))
2- في ناس وهذه الفئه الغالبه ((من كثر مااحلامهم مستحيله )) يكتفون بأحلام اليقظه واكثرهن من السحالي فهي الحل الوحيــــد ..
ففي ذلك العالم أفعل مايحلو لك .. بدون قيود ولاقواعد ولاقوانين ولاعادات ولاتقاليد ولاشي.. ((عيشي حياتك))
هذا هو العالم الذي يتمناه كثيرون وانا اولهم ..
اه اه اه اه ... نسيت اعرفكم مين انا ؟! ... معليش مع الفلسفه نسيت نفسي ..هاها ..احم
بصراحه انا مو لوحدي .. معاي ثنتين (خوياتي المصرقعات)
قبل ما اعرفكم عليهم وعلى نفسي ..خلونا نتفق على معنى المصرقعه,,
اختلفت الاراء بصراحه
ناس قالو .. الي تستخف دمها وما اهما احد
وناس قالو.. الفرفوشه
وناس قالو الي بايعه الدنيا ببلاش
وناس قالو.. اكله شعبيه ماخوذه من المصقعه .. “الله اعلم”.
ومعناه اصطلاحا.. هي كل من استخفت دمها واستباحت الممنوعات وارتكبت المحظورات بطيب خاطر . سميت مصرقعه
والحين .. نكشف الستار .. ونبين الاسرار ..
وراح نذكر الاسماء ابتداء بالحروف الابجديه..
• المصرقعه الاولى ..((الحفله))
وهي كائن حي يتنفس وينام وياكل ويشرب..>> احلفي.
سبب التسميه: نسبه الى خفة الدم والفرفشه ..... وفي روايه ( ان امها ولدتها في احد العروس)
• المصرقعه الثانيه ....((الحُره))
وهي مخلوق نادر ينام في اليل ويصحى في الصباح !!!(سبحان الله)
وتنطق (بضم الحاء) .. ومعناه لمن لايتكلم الجنوبيه: المرأه الكاملة الاوصاف من زين واخلاق وين ماتحطها تبيض الوجه ..( في منها درجات تناسب جميع انواع البشره)
• المصرقعه الثالثه ...(( الخرشه))
وهي جسم دقيق لايرى بالعين المجرده ( اقول استريحي بس)
معنى الاسم: اكيد الكل عارفه .. وهو اسم اعجمي على وزن (فِعله)
وهي بنت كلها جرأه .. وما همها احد ولاتحسب حساب لاحد.. والي براسها تسويه ..(على قولتها, الي فيها فيها )
تشرفنا... طيب حزرتو انا مين؟؟!!
وفي ذلك الصف المكتظ بالسكان الذي يبلغ 3ونص × 4 متر مربع ويزيد عدد سكانه عن 60 نسمه (يعني بأختصار علبة سردين) من مختلف الالوان والاجناس ولاعراف( رابطة العالم العربي على غفله).. وفي تلك الزاويه في أاااخر الصف ..(الي تحت المكيف شفتوها؟) قربوا الكاميرا لو سمحتم شوي . بعد..بعد شوي يمين..يسار..بس خلالالالالاص وصلتم خيييير!!!
هنااا ..وفي هذا المكان بالذات .. تقبع وتجلس وتنثبر بطلات المسلسل الصرقعي (يسرى – الهام شاهين ــــ بوسي)
اه.. سوري نسيت اقولكم .. انهن اعتذرن عن البطوله مصرحات للجمهور بأنهن ولأول مره في مشوارهن الفني يشعرن بأنهن ولاول مره لسن جديرات بالبطوله وتنازلن به لأخواتنا المصرقعات.. المهم
في احد الحصص الممله .. .. وبينما كن المصرقعات يقضين وقتهن بما هو مفيد .. (وهي لعبة XO)
وما ادري كيف ولاشلون ..ولا ايش جاب طاري الحرب ((طبعا..ماعلي شرهه مشغوله باللعب وصار الفصل صجه ورجه وكلا يقول رايه بالطريقه الخاصه
والطرق المستخدمه في ابداء الرأي كما هو متبادل بين المصرقعات :
1_ اما برفع الصوت والصراخ على الاخر علشان نسمع الجيران
2_ بالكتابه على السبوره او الجدران ونحو ذلك ..
فجـــــــــــــــــــــــــــــــــــــــأه....... .................................................. .................................................. .................................................. .................................................. .................................................. ........
قامت وحده من البنات وصرخت >>>> يابنات : اسمعوا جرس الانذار ...
وطلعوا المصرقعات يستكشفون الوضع ((لقافه طبعا هذي حال البنات ))
وفجأه .. صار الي ماكان على البال والخاطر .
كان الجرس ينذر عن احتمال حدوث غاره جويه على الشرقيه ..... وهذا يعني (( انتشـــــــــــــــــــــــــــــــــروووووووااا))
أخلاء تام وكلن يفر بجلده..
ماصدقو البنات يسمعون الخبر ..الاقامت الدنيا . هجوم على الباب ..كلن يقول انا الاول انا الاهم (( وصار طق وتشوت ))
طبعا في بنات خايفين يموتون ومالحقو على الجامعه ((الدوافييير))
والمصرقعات والي بايعين الدراسه (( خايفين على مستقبلهم = الزواج ))
وبكذا صار اختناق مروري عند الباب والحرب صارت حربين..
وبما اننا كنا اخر الدنيا (( لاننا كنا نحش))..كنا اخر .. اخر من يطلع (( قلعتنا نستاهل الله مايضرب بعصا ))
ومو بالساهل بعد مضاربات .. وطق .. ودف.. وطيحات .. وتشوهه..طلعنا من المدرسه وكانت الدنيا فاضيه ما ادري وين راحو البنات .. وحطينا رجولنا ركض نبي نروح بيوتنا ......................
وهناك!!!!!!!؟؟؟؟؟
كانت المفاجئه .، البيوت ابوابها مفتوحه ومافيها احد ،كل شي معفس وموعلى بعضه ..
اتصلت (( الحفله )) على خويتها (( الحُره ))
الحفله>> الو
الحُره>>الو
الحفله>> اقول مافي احد بالبيت
الحره>> ولا انا
الحفله>> طيب شنسوي ؟؟
الحره>> طيب خلونا نجتمع عند موقف الباص وكل وحده تجيب معها شي
الحفله>> اوكي دقي على الخرشه وعطيها خبر..
الحره>> طيب
-------------------------------------------
التقوا الثلاثه عند زبالة الشارع الخضرا((وانتم بكرامه)) الي يتصبحون على ريحتها كل صباح ..(( صباح الفل))!!
وكل وحده جابت معاها معداتها الخاصه
الحفله >> جابت معها (( كل مالذ وطاب ، البيبسي الي فيه صورة اللاعب الي يفتح النفس ، اكياس بطاطس } ليز بالجبنه الفرنسيه ، تسالي مشويات {وكاكاو غندور << تقليد كتكات وما ادري ليش جايبته يمكن تبي تمشي سوقه ، وشطه ، وجبنة مثلثات ، علك باطوق }مستكه، وقرفه ، وموز{
..............
الحره>> جابت معها كنز اجدادها علبه سودا ومصديه تطلع صوت موسيقى كلاسيكيه (( زيييييييييييييييييييييييييييييط))
وعلبة العده حق اخوها ..
وشنطة الا سعافات الاوليه ، وفحم ، وخيمه (سفن اب)،ومخدات وكشاف، ومزيل عرق<<مدري ليه..!!.
.............
الخرشه>> ماقصرت جابت بطانيات وقيتار وعصير تانج الحجم العائلي (( تن تن حاطينو على الغدا ))، ولاعه وطراطيع
ورشاشات قمل |<< ما ادري شجابه ، وبطاقة البنك الي لقتها طايحه في الارض وطبعا الرقم السري تعرفه (( مسكين ابوها مأمن عليها ما درى انها بنت نص كم))
...................................
الحره >> ياربي ايش نسوي مافي احد جنبنا !!
الخرشه>> وين راحو وخلونا .. بس اتوقع راحو الملجأ
الحفله>> أي ملجأ!! الأيتام أيــــــــــه عرفته عرفته مره المدرسه ودونا رحله يوم جـ.......((قاطعتها الخرشه))
الخرشه>> اقول انتي يالخبله أي ايتام واي معوقين ملجأ للحرب يافالحه
الحُره>> أي تذكرت يابنات .. سمعت ابوي يتكلم امس واحنا نتقهوا العصر كان في..
الخرشه>> أي قولي وين صاير
الحُره>> لاماكنت معاه كنت جالسه اتفرج على المسلسل روبي على الmbc ومانتبهت على المكان
الحفله>> اقول مالت عليك وعلى مسلسلك شستفدنا منه الحين
الخرشه>> يابنات الحين ماهو وقت لوم وعتاب..
الحفله>> عتاب ولا رباب
الخرشه>> لانوال هههههه
الحره>> اقول انطمي انتي معاها لا امسح خششكم بهالارض . الحين احنا في موقف نحدد فيه مصيرنا اما الموت او الحياة وانتوا جالسين تنكتون
الحفله>> خلونا نستخير يابنات ..(( اول مره تقول شي مفيد))
--------
بالنسبه للبنات كان هذا اليوم الموعود الي كانو يحلمون فيه وهو(( يوم الصرقعه )) ...
صدق انهم بنات بس عن عشر رجاجيل قدرو يصرفون عمرهم..
كان في سياره هايلوكس غماره وحده موديل 98 لوحتها رقم (( ف ل ه 050))
صافطه قدام بيت جارنا ابو متعب الي متزوج اربع حريم ومن خوفه على سيارته مغطيها بكفن علشان العين مع انه عنده خير بس مو راضي يغيرها (( الله يرحم حاله))..
قال ايش >|> قديمك نديمك<< امحق
المهم::
بطرق خاصه وعمليات معقده قدرنا نفتح السياره ونشغلها بعد!!! كيف؟؟ (( الله يخلي الافلام))
وتولت الحفله السواقه الي تعلمتها بالبر والحره والخرشه تهاوشو مين يقعد عند الباب >> الي يشوفهم يقول الشارع مليان مزايين
ولان الحره كانت انحف وحده قعدوها في الوسط (مســــــــــــــــــــــــــــــــــــكينه)
ودعست الحفله برجلها الكريمه على البنزين والكلج وطفت السياره (( امحق تعلوم )) قال شنو قال تعلمت بالبر
والزبده .بعد عدة محاولات مشت السياره والمصرقعات بدو بالكلللللللللللللللللللللللللللوش والتصفيق والتصفير (الي يشوفهم يقول جالسين يشجعون المنتخب الي فشلنا ))
والى الامــــــــــــــــــــــــــــــــــــــــــــــ ـــــــــــــــــــــــــــــــــــــــــــام ســــــــــــــــــــــــــــــــــــــــــــــــر ....
............................
وكانت الرحله من الخبر في المنطقه الشرقيه الى المجهول !!
مع مرور الوقت غلب النوم الحره والخرشه وعطوها نومه ... وبقت الحفله المسكينه الي طفشت من السكون الي هي فيه ((ماغير تسمع اصوات السمفونيه الي تطلع وتنزل ))
وقامت تسلي نفسها بالدندنه وحاولت تزعج خوياتها علشان يصحون بس مافي فايده وقامت حطت بالمسجله شريط الجسمي اغنية ( صابر ) وبدت تغني معاه >|> الي سنتين وانا صابر قالولي يجي باجر
وفزّوا البنات على صوتها وبدأو بالرقص والهبال والضحك لدرجه ان السياره تميل يمين ويسار
ومع الهباله الي سووها حسو بالجوع (( وهاتك يا اكل)) وما امدى شوي الا تعبّت السياره اكياس وقراطيس وعلب وزباله (( الله لايوريكم ياحسافة سيارتك يابو متعب)) ومع مرور الوقت جا اليل وظلمت الدنيا وهنا الوهقه
-------------------------------
الحره>> يابنات احنا وين فيه الحين
الحفله>> ما ادري بس كاني قريت لوحه مكتوب عليها الرياض ما ادري كم كيلو
الخرشه >> الله وناسه يعني بنام في البر الله
وقفو البنات في الطريق ونزلو يجهزون لهم مأوى
الحره>> اقول وحده تجي تساعدني اركب الخيمه
الخرشه >> تسمين هذي خيمه كانها سفرة اكل
الحره>> لوسمحتي لاتغلطين هذي هديه من سفن اب
الخرشه>> مالت عليك وعليه
وفي اثناء محاوله تثبيت الخيمه .. طارت من ايديهم (( بسبب الاحوال المناخيه)) وهذا الي كان ناقص
الحفله>> اقول اركضو جيبوها لاتروح
الحره>> تعبت وانا اركض
الحفله>> بسم الله انتي تحركتي علشان تتعبين بعدين انتي جبتيها انتي تتصرفين
الحره>> خلاص .. طيب بتصرف
الخرشه>> اقول الحره شيلي بوزك تراه وصل للارض
الخرشه والحفله |>>> ههههههههههههههههههههههههههههههههههه
الحره >> طيب انا اوريكم
وقامو البنات يتركضون علشان يلحقون الخيمه
الخرشه>>> اااه خلاص تعبت ما اقدر اركض اكثر
الحفله >> ولا انا بموت
الحره>> لابارك الله بالخيمه ولا بالسفن اب غلطانه اشارك
الحره>> اقول يالخرشه لاتتنفسين كذا (( كأنك كلب يلهث))
الخرشه>> انا لاوالله موب انا هذي الحفله
الحفله>> لاوالله لاترمين بلاك علي مو انا
الحره >> طيب خلاص مو مهم خلونا نرجع للسياره ترانا بعدنا
قامو البنات نفضو الغبار عن عباياتهم وكل وحده تطالع صديقتها مين هذي الي جالسه تطلع هالصوت(( لاوكل ماله يزيد))
وما امداهم يلتفتون الاقدامهم هذاك الكلب البني المحروق الي مطلع لسانه شبرين وسعابيله الي كانها بزبوزمويه مفتوح
وذيله كانه مساحات سياره تروح يمين ويسار (( متاثرين بالهايلوكس))
صرخو البنات بصوت واحد (( يماااااااااااااااااااااااااااااااااااااااااااااااا ااااااااااااااااااااااااه))
وحطو رجولهم وهو وراهم وبدت لعبه الغميمه (المطارده)
بس بدون حليسه
وفجأه صرخت الحفله >> يابنات هناك نور كانه خيمه
الخرشه>> أي والله صادقه بسرعه عليهم
وبسرعه ومن غير احم ولادستور ادخلو الخيمه وكان في الخيمه اربع شباب جالسين يتعشون...!!!!
اكمل اذا عجبتكم..!!
الجمعة مايو 30, 2008 2:46 am
